Amber Heard tel loin Aquaman chhunzawmna siam tum lo

'Aquaman and the Lost Kingdom' producer Peter Safran chuan Amber Heard tel loin Aquaman chhunzawmna film siam tumna a awm ngai lo hrim hrim tih a sawi.

A pasal hlui Johnny Depp nena an inkar buai chungchangah social media lamah Johnny Depp fan-te chuan Aquaman 2 'Aquaman and the Lost Kingdom'-ah Amber Heard a chan tawh lohna turin nasa takin campaign an nei a ni.

Hetiang hi ni mah se Safran chuan a Aquaman film siam kawnga thuneitute chuan Amber Heard tel loa chhunzawmna siam tumna an neih ngai loh thu sawiin, Mera lema Amber Heard chantir tawh loh chu an rilruah a lan ngai loh bakah a movie tana ṭha ber chu Amber-i chantir leh a nih thu a sawi.

Deadline Hero Nation podcast-ah hemi chungchang hi sawiin,"Movie tana ṭha ber tura hma kan lak a ṭul a, James Wan leh Jason Momoa bawk an nih leh dawn chuan, Amber Heard bawk a ni leh tur a ni.

"Film tana dik ber nia kan hriat anga hma lak tur a ni a, chu chu kan tih tur pawh a ni reng bawk," a ti.

Amber Heard pawhin social media lama Johnny Depp fan-te campaign chuan Aquaman project chu a nghawng dawn lo tih a lo sawi ve

tawh bawk.

'Aquaman and the Lost Kingdom' hi nakkum kum tawpah tlangzarh hman an tum a, June thla tawpah khan production an ṭan tawh a ni.