PUC-in 'Chhawkhlei: Lamlian lehlam' tlangzarh

Pachhunga University College chuan Zirtawpni khan kal tharte lawmna hun (Fresher's Social) an hmang a, chu hunah chuan PUC Chhawkhlei Cultural Club leh PUC Student's Union te buatsaih, Cultural Dance Video, Mizo hnam hrang hrangte incheina leh lam tihlanna 'Chhawkhlei: Lamlian lehlaman' chu an tlangzarh nghal.

Chhawkhlei: Lamlian lehlam hi PUC Principal Prof. H. Lalthanzara chuan a tlangzarh a, he video hi YouTube lamah dah nghalin thlirtu pawh an pung chak hle.

PUC hian hripui leng avanga Mizoram kan la inkharkhip avangin online-in Fresher's Social hi an hmang a, YouTube lamah live stream-a pe chhuak bawkin Prof H. Lalthanzara, Vice-Principal Dr Lalbiaksangi Chawngthu leh Senior Teacher Dr H. S Thapa te'n fuihna thu an sawi a ni. Anni bakah hian Students' Union Vice President Lalrengpuia leh zirlai dangte pawhin thu an sawi bawk.