'Yes Day' chhunzawmnaah Jennifer Garner kan hmu leh dawn

Jennifer Garner chu Netflix comedy film 'Yes Day' chhunzawmna siam turah a chang ve leh dawn a, he film hi a produce nghal dawn bawk.

Kum 49 lai ni ve tawh 'Elektra' star hian hemi atan hian inremna pawh a ziak fel tawh a, he film bakah hian Netflix nen hian film dang eng emaw zata thawhdunna tur thuthlung pawh an ziak fel tawh niin khawthlang lam media-te chuan an tarlang.

'Yes Day' hi March 12 khan tlangzarh a ni a, nu leh pa lema chang Jennifer leh Edgar Ramirez-te chuan an fate thusawi chu nikhat chhung atan engkim an 'Aw' sak an remtih vanga thil hrang hrang thleng chungchang tarlan a ni a, a chhunzawmna pawh hi helam hawi tho hi a nih leh a rinawm.