Little Mix-in UK Chart-ah 'history' an siam

British girl group Little Mix chuan UK chart-ah 'history' chhinchhiah tlak tak an siam a, girl group zinga UK Top 10-a an hla te kar 100 chhung champui thei hmasa ber an ni.

BRIT group of the year hian Galantis leh David Guetta an thawhpuina hla 'Heartbreak Anthem' hmangin he mellung pawimawh tak hi an phum a, chart hnuhnung berah khan pasarihnaah an la awm phak a ni.

Little Mix hian UK Top Singles chart-ah hla 18 lai top 10-ah an lanpui tawh a, chung zinga panga lai chu pakhatna an nihpui tawh nghe nghe.

UK Chart history-a girl group zinga an record siam hnaih bertu chu Girls Aloud an ni a, anni hian an hla chart-ah kar 61 an lo lanpui ve tawh thung a, The Supremes chuan kar 59 lanpuiin Sugababes chuan kar 57 an lo lanpui ve tawh bawk.

British Trio hian an hla hit 'Sweet Melody' kha kar 13 chhung UK Singles chart top 10-ah an lanpui a, 'Shout Out To My Ex' kha kar 11 chhung lanpuiin, 'Reggaeton Lenton (with CNCO)' kha kar 11 chhung an lanpui ve bawk. 'Touch' kha kar 10 an lanpui a, tunah hian 'Heartbreak Anthem (with Galantis, David Guetta)' chu kar 9 chhung an lanpui ve leh tawh a ni.

Jade Thirlwall, Perrie Edwards, leh Leigh-Anne Pinnock-te hi album paruk lai an tichhuak tawh a, an album hnuhnung ber 'Confetti' chu nikum kum tawp lamah khan tlangzarhin ram hrang hrang chart-ah an chet ṭhatpui hle.