Sawmtea piancham pualin Feli Fanai-in fakna hla sa dawn

Feli Fanai hi a lengzem hla sakna chauh kan la hre mai thei, mahse Mizoram-a zai lama award eng emaw zat lo dawng tawhtu a ṭhianpa Sawmtea Chhangte piancham pualin naktukah hian fakna hla a sa dawn.

Sawmtea hian a piancham pual hian music video chhawp chhuah pawh a duh a, mahse hripui a leng miau a, kumdang angin a tichhuak thei dawn lo. Amaherawhchu awm mai mai a tum hauh lo a, naktuk a piancham pual hian a duh apiangin an chhim theih turin YouTube kaltangin Feli Fanai nen hian Vanlalchhamhima Ralte studio aṭangin Pathian fakna hla sain zoram mipui an awi dawn a, Chhams pawh hian a pui dawn a ni mai thei. Chhams-a YouTube channel lamah tlai dar 3-ah ngaihven chi a nih hmel.