China-ah movie theatre la khar chhunzawm

Covid-19 vangin China-a theatre zawng zawng chu la khar chhun­zawm zel a ni. China hi khawvela cinema hall nei tam ber ram an ni a, khaw­vel Box office-ah pawh nghawng an nei lian ṭhin hle.

China-ah hian nikum December aṭang khan Covid-19 hri leng hi a darh ṭan a, a darh ṭanna hmun Wuhan-a hri kaite an pun tak avangin kumin January 23 aṭang khan lockdown puan a ni a, khami ni aṭang khan China pum a cinema hall 69,787 chu tun thlengin la khar chhunzawm zel a ni.

Cinema hall hi khar a la nih avang hian kumin 2020 box office-a pawisa hloh zat pawh yuan vaibechhe 30 (US dollar vbc 4.24) chuang a ni. China hi US tih loha box office lian ber a ni bawk.