Gaming News: Age of Empires 4 beta vawiin aṭangin

Age of Empires 4 chu vawiin aṭang hian beta test a theih tawh dawn a, a game hmasa khel tawh ṭhinte tan chuan thu lawmawm tak a ni ngei ang.

He game hi October 28-a tlangzarh tur a ni a, beta test-ah hian tutorial mission a awm dawn a, multiplayer leh versus AI match player pariat thlenga khelh theih tur a awm dawn bawk. Map erawh sample chiah an la chhawp chhuak dawn a, civilization pali- Mongol, English, Delhi Sultanate, leh Chinese-te an dah bawk a ni.

Beta test nei turte hi nimin piah lamah khan Age Insider-ah an inziak lut fel tawh a, YouTube lamah beta test video hmuh tur a awm nual turah ngai ang.

Age of Empires game hmasa ber chu kum 1997-a tlangzarh kha a ni tawh a, nikum October thla khan a hnuhnung ber Age of Empires III: Definitive Edition chu tlangzarh a ni thung.

AOE IV hi Middle Age hunlaia set a ni a, civilization pariat- English, Chinese, Mongols, Delhi Sultanate, French, Abbassid Dynasty, Holy Roman Empire, leh Rus-te a awm dawn a ni.

Steam leh Microsoft Store-ah AOE IV hi a awm dawn a, August 16 thlengin beta test hi a theih ang.