DC Blue Beetle tur Cobrai Kai Star Xolo Maridueña?

DC Blue Beetle lemah Cobrai Kai Star Xolo Maridueña chu a chang mai thei niin khawthlang media-te chuan an tarlang.

Blue Beetle hi HBO Max lama tihchhuah turin an siam dawn tih chu a chianna a rei tawh a, achangtupa ber tur erawh a la puangzar chiang lo a, mahse Xolo Maridueña hi an bia niin media ṭhenkhat chuan tunhnaiah khan an tarlang a ni.

The Wrap chu hemi chungchang rawn tarlang hmasa ber tu an ni a, Jaime Reyes/ Blue Beetle lemah a chang mai thei tih an sawi a, chumi hnu rei loteah chuan The Hollywood Reporter lam pawhin thuchhuah rawn nei ve nghalin Maridueña chu an dawr mek tih an sawi ve bawk.

Blue Beetle hi DC Film leh Warner Bros. lamina Latino character superhero movie an siam hmasak ber a ni dawn.

Comics lamah chuan Jaime Reyes hi Blue Beetle pathumna a ni a, alien pakhat hmanga thiltihtheihna nei niin a thiltihtheihna hmang chuan a khua, El Paso, Texas chu a venghim ṭhin a ni.

Warner Bros. chuan Blue Beetle hi nakkum emaw, kum leh lamah emaw chuan tlangzarh hman an tum a ni.