‘Big Bang Theory’reunion neih ve chak Kaley Cuoco

'The Big Bang Theory'-a Penny lema hnehsawk taka chang Kaley Cuoco chuan 'Friends' style-a reunion neih ve a chak thu a sawi.

Variety Awards Circuit podcast-a an kawmnaah hemi chungchang hi a sawi a ni.

Cuoco hi 'Friends' fan a ni a, an reunion a en khan 'The Big Bang Theory'-a changtute chuan kum rei lote hnuah chuan reunion an neih ve theih a rin thu sawiin, chakawm a tih thu a sawi. "(Friends Reunion) Ka en khan, ka rilrua lo awm nghal chu, sawtianga reunion neih ve saw ka chak tak zet a ni. Kan show hmanga sawtianga tih ve saw ka chak lutuk," a ti.

Kaley Cuoco hian tunah hian project hmachhawp a nei nual a, 'The Flight Attendant' leh 'Harley Quinn' animated series lamahte a rilru a sawrbing mek piah lamah film dang channa tur pawh a nei nual a ni.