Bohemian Rhapsody chhunzawmna a awm dawn!?

Queen guitarist Brian May chuan 'Bohemian Rhapsody' film chhunzawmna siam turin ruahmanna a awm niin a sawi lang tlat mai!

Brian May chuan Instagram lama a fan-te nena live chat an neihnaah hemi chungchang hi a sawi chhuak a, mahse script ṭha tak a awm a ngai dawn tih sawiin, hun erawh a la duh deuh dawn a ni, a ti.

A ṭhainpa Freddie Mercury chu a la ngaihtuah chhuak fo ṭhin tih sawi bawkin a tirah phei chuan Freddie tel loa Queen kalpui chu thil harsa tak a nih thu a sawi.

"Tunah erawh Queen hi keimahah a awm tawh tih ka hre chhuak tawh a, keimah hi Queen chu ka ni, chu chu thlak danglam theih a ni lo. Tunah chuan kan zingah Freddie a awm ve reng angin kan hre tawh a, a kalsawn ngai lo niin kan hre hial. A chhan chu kan thiltih kawng engkimah a tel ve vang a ni. Freddie ngaihtuah loin ni khat pawh hun ka hmang thei lo a ni," tiin May chuan a fan-te bulah a sawi a ni.