Bawmrang TV-in cyber attack a tâwk

Bawmrang TV chuan Mizo film thar 'Dengi I Love You' an chhawp chhuah hnu lawkah Cyber attack a tawk.

Kar hmasa lamah 'Dengi I Love You' tlangzarh a nih hnu lawkah khan Bawmrang TV application hi a buai zui nghal a, he film pawh hi Lersia Apps lama en theih turin an sawn phah hial a ni.

Bawmrang TV neitu lam chuan Inrinni khan an apps chuan cyber attack a tawk tih an hriat chhuah thu Vanglaini an hrilh a, phai lam aṭang daiha beih an nih thu leh siamṭha tura hma an lak mek thu an sawi.

Apps rawn beitu tak erawh an la hre thei lo a ni.