Jenny Jathang 'Ni Thar' zaninah
'Vawi khat tal' tih thiam taka lo sa tawhtu Jenny Jathang chuan zanin hian hla thar 'Ni thar' a tichhuak dawn a, Zonet lamah thlira ngaihthlak theihin a awm ang.
He hla hi Rebecca Lallawmsangi hla hit tak mai 'Kan khua' phuahtu Peka Fanai phuah tho kha a ni a, chuvang chuan ngaihthlak a manhla leh viau ang. Fency records-ah recording chu tiin music pawh Peka Fanai kut chhuak bawk hi a ni a, Zochawi production chuan music video an buaipui thung.
He hla hi Covid-19 avanga khawvel nunphung khirh leh hrehawm tak tawp huna hringfate'n hlim leh lawm taka nunphung pangngai thlapa kan nun leh theih hun nghahhlelhna hla a ni tiin Jenny chuan a sawi.
"Sorkar ram ropui leh mi tê berte hian Covid-19 tel loa nun hman hi kan thlahlel tawh tak zet a, engtikah emaw chuan kan la hnehin khawvel aṭang hian kan la um bo thuai dawn avangin, in dawm kuna lungngai mai loa hneh thei ṭheuh tura min sawmna leh chona hla a ni bawk," tiin a hla chungchang hi Jenny chuan a sawi a ni.
Tunlaia music genre lar tak EDM lam a ni dawn a, lam a rem viau turah ngai ang. MDM YouTube channel lamah duh hun huna hmeh chhuah theih turin a dah dawn bawk.