Girls’ Generation Hyoyeon-i'n K-Pop idol lam thiam a tihzualte chu...

K-Pop sawi rik chuan Girls’ Generation hi group thar tam tak taka kawng sial saktu an ni tih phat rual a ni lo. An member Kim Hyo-yeon, Hyoyeon tia hriat lar chuan BIBI a thawhpuina a single thar 'Second' a tihchhuah lawmna nipah fawma live broadcast a neihnaa thil hrang hrang a sawinaah K-Pop idol zinga lam thiam a tihzual pali hming a sawi lang.

Lam thiam a tih zinga hming a sawi rik hmasak ber chu Exo member Kai a ni. Hyoyeon hian a hma pawhin SM Entertainment-a a junior hi a lo fak fo tawh a, dance battle neihpui a chak thute pawh a lo sawi chhuak tawh a, lam thiam a ti ve ngang a ni ang.

Hming a lam rik pahnihna chu SHINee member Taemin a ni. Hyoyeon chuan Taemin leh Kai chuan inanna tak an nei tih sawiin, an thinlung leh rilru zawng zawnga an lam ṭhin chu a fak viau mai.

A pathumna chu tudang ni loin, Mizo tleirawlte pawhin tunlaia an atchilh rawn Blackpink Lisa a ni. "Lisa lam hi a hmuhnawm takzet a ni," tia sawiin, a hma pawhin Lisa lam thiam a tih thu hi a lo sawi chhuak fo tawh niin Koreaboo chuan an tarlang.

Lam thiam a tih dang leh chu TWICE member Momo a ni. Lisa ang bawk khan lam thiam a ti hle tih a sawi.