John Wick 4-ah Clancy Browns kan hmu dawn

'John Wick: Chapter 4'-ah Clancy Browns chu a inlan ve dawn.

Kum 62 laia upa Clancy Browns hi lemchan thiam tak tak inlanna tur film 'John Wick: Chapter 4'-ah hian a inlan ve dawn tih a chiang tawh a, tu lemah nge a chan dawn tih erawh tarlan a la ni lo.

Director Chad Stahelski chuan Deadline hnenah hemi chungchang hi sawiin,"Ka hriat theih chin ata tawh Clancy Browns fan ka ni. He project-a a tel ve tur hi ka tan chuan chawimawina a ni a, John Wick khawvela inlan turin a ṭha tawk," a ti.

'John Wick: Chapter 4' hi tunah hian an chang mek a, France, Germany leh Japan-ahte an chang a ni.

Shay Hatten leh Michael Finch-te chu script ziaktu an ni a, Winston lemah Ian McShane chu a chang leh dawn a, John Wick lemah Keanu Reeves chu a chang leh dawn bawk.