Zaninah EPL an ṭan dawn ta

Vanlalsailova
"Tunhma chuan Chelsea ka ṭan thin a, mahse.. EPL lam hi ka hawi ta meuh lo. Tunah tak chuan ṭan em em ka nei pawhin ka hre lo. Messi vangin LaLiga lam ka hawi a, Barcelona ka ṭan ta ber a. Mahse, PSG lamah a kal leh ta si a, PSG chu ka ṭan leh ta ber a ni mai ang chu. "Ronaldo leh Messi hi ka player duh pahnih an nia, mahse Messi hi inches chanve velin ka duh hret zawk!"

Maruati
"Kei chu khawvel pumpuiah Chelsea leh Aizawl FC chiah ṭan ka la nei. "Ronaldo leh Messi hi ka duh dan a inang reng, an thawhrimna avangin."

Dj Lalvenhimi
"Kei chu Arsenal ka ṭan ber. Ka ṭan chhan chu Fabregas vang kha a nia, Instagram-ah pawh ka follow thlap. Mahse Fabregas chu ka footballer duh ber a ni chuang lo a nia, Messi hi ka duh deuh ber."

Kimkima
"Kei chu Chelsea hi ka club ṭan ber a ni deuh mai. Ka naupan lai khan Drogba, Anelka, Lampard leh Peter Cech-te kha ka duh ṭhin a, chuvang chuan ka ṭan ber. Ka footballer duh ber erawh Ronaldo a ni thung."