Olivia Rodrigo Spotify record chu...

Olivia Rodrigo chuan a debut hla 'Drivers License' chu Spotify-ah record a siampui a, hmeichhe artist hla, spotify-a vawi tluklehdingawn stream tlin rang ber a ni.

American singer hian a hla hi thla sarih chhungin hetiang dinhmunah hi a thlenpui a, thla sarih chhung leka vawi tlukleh­dingawn stream tlin a ni. Rodrigo hian Twitter lamah chuan a fan-te hnenah Nilaini khan lawmthu a sawi tawh nghe nghe a, hemi chungchang tarlanna chart data-te pawh a share bawk.

Kum 18 mi leh Olivia Rodrigo hian kumin January thla khan 'Drivers License' hi a tichhuak a, thawk lehkhatah he hla hi rawn lar thutin Billboard Hot 100 chart-ah phei chuan hun eng emaw chen chhung kumina chart topper ni rei ber dinhmun a luah hial. Chu record chu kar hmasa lamah khan BTS-in 'Butter' hmangin an rawn khum ve chauh a nih kha.

Album pakhat chiah a la tichhuak a, chupawh chu a hlawhtlinpui em em lehnghal a, kumin chu Olivia Rodrigo kum ṭhat kum a ni chho zel dawn niin a lang.