‘Venom: Let There Be Carnage’ tlangzarh hun an sawn hla leh

Venom: Let There Be Carnage tlangzarh hun chu vawi eng emaw zat an sawn hlat hnuah tlangzarh hun thar an puangzar leh ta a, September 24-a tlangzarh tura an ruahman chu October 15-ah tlangzarh a ni dawn tih an puang leh tawh.

US-ah hripui leng a hluar thar leh vangin Venom: Let There Be Carnage tlangzarh hi an sawn hla leh ta a ni.

Film industry-in ngai a awh chho tawh dawn emaw tih hnuah tunhnai chho khan US-ah Covid-19 delta variant a hluar thar leh a, chumi avang chuan kar hmasaa tlangzarh The Suicide Squad pawhin sum lakluh kawngah beisei a pha lo viau. Hrilengin ziaawm lam a pan vat loh chuan film dang tlangzarh hun pawh an sawn hla leh hlawm mai thei a ni.