The Marvels an chang ṭan ta

Brie Larson channa Captain Marvel chhunzawmna The Marvels chu an chang ṭan tawh niin khawthlang media-te chuan an tarlang.

Nilaini khan Samuel L. Jackson chuan instagram lamah a Nick Fury hmuihmul leh khabe hmul chu tarlangin, ani hi Captain Marvel movie pahnihnaah hian Fury lemah a chang leh dawn a ni.

Larson leh Jackson bakah hian Teyonah Parris chu SWORD agent Monica Rambeau lemah a chang leh dawn a, Iman Vellani chu Kamala Khan/ Ms. Marvel lemah a chang leh dawn tih a chiang tawh bawk.

Nilaini vek khan Brie Larson chu SiriusXM The Jess Cagle Show-ah inlanin thil tam tak, sawi chhuah chi si loh a thleng tawh tih a sawi ve bawk a, a entu lam tan pawh a phurawm dawn hle tih a sawi a ni.

The Marvels hi nakkum kum tawp lama tlangzarh hman an tum a, MCU Phase Four movie zinga mi tur a ni.