Mizo M/V million view kai rang ber Esther Hnamte ft. 3 Assam Rifles 'Jana Gana Mana'

India zalenna champha vawi 75 lawmna puala Esther Hnamte leh 3 Assam Rifles, Lunglei thawkdunin music video an tihchhuah 'Jana Gana Mana' chuan ni khat chhung lekin YouTube-ah thlirtu maktaduai a nei tling hman a, Mizo music video-ah chuan hetiang zat thlirtu nei rang ber a ni.

Lunglei hmeichhe naupang kum 5 mi lek, Esther Hnamte hian 'Jana Gana Mana' hi a sa mawiin 3 Assam Rifles, Lunglei-te'n music video an tihmuhnawm a, India ram hlapui ber a ni bawk nen, thlirtu an pung chak hi a mak loh rualin hun rei lote chhunga hetiang zar thlirtu an awm erawh music video siamtute beisei phak bak a nih a rinawm.

Nimin chhun thleng khan YouTube-ah thlirtu mtd 1.1 chuang an awm tawh a ni.