Kar 42 chhung No. 1 hauh thei 'Despacito'

Billboard Hot Latin Songs chart-a pakhatna chu 'Des­pacito' a ni a, tlangzarh anih hnuah kar 42 chhung zet chu he dinhmuh hi a luah tawh! Despacito hian Enrique Iglesias hla hit 'Bailando' chu rawn khumin, record thar a siam ta a ni.

Puerto Rican singer Luis Fonsi, Daddy Yankee leh Canadian singer Justin Bieber-te sak 'Despacito' hian khawvel a dengchhuak a ni ber a, record pawh a siam hnem ta malh malh hle. January 2017-a tihchhuah hla hi Billboard Hot Latin Songs chart-ah chuan khum thei an la awm lo a, ni 290 chuang zet a chung berah a awm tawh a ni.

Despacito hian nikum February 18 khan a vawi khatna atan chart-ah pakhatna a hauh a, kar 35 chhung a zawnin he dinhmuh hi a luah. A karah J Balvin leh Willy Willliam-te chuan 'Mi Gente' tih hla hmangin an rawn khum a, October thla aṭangin a dinhmun ngaiah a kir leh. Tunah hian kar sarih chhung chu a zawnin a ber nihna a hauh leh ta a, engchen nge a thlen dawn hriat a chakawm tawh hle.

Hetih lai hian Enrique Iglesias chuan kum 2014 khan 'Bailando' a tlangzarh a, he hla hian chart-ah kar 41 chhung zet No.1 a hauh. Bailando hi Descemer Bueno leh Gente de Zona-te nena an sak niin, Latin chart-ah record an lo siam tawh a ni. Mahse hei hi kum eng emaw zat hnu­ah khumin a rawn awm ve leh ta a ni. Shakira chuan 'La Tortura' leh 'Me Enamora' tih hla hmangin kar 20 chuang pa­khatna hi a lo hauh ve tawh bawk.