God’s Not Dead: We The People - October 4-ah

God's Not Dead chhunzawmna film pathumna tur 'God's Not Dead: We the People' chu US-ah October 4 hian tlangzarh a ni dawn.

'God's Not Dead: We the People' trailer hi chu July thla tir lamah khan an dah chhuak daih tawh a, October thlaah hi chuan theatre-a en theih turin US lamah chuan an chhawp chhuak tawh dawn a ni.

He film-ah hian a changtute pawh an ṭha dawn a, Isaiah Washington (Grey’s Anatomy), David A.R. White (God’s Not Dead, Evening Shade), William Forsythe (Dick Tracy), Antonio Sabato. Jr, (General Hospital, The Big Hit), Jeanine Pirro (FOX News Justice with Judge Jeanine), leh GRAMMY Award-winning CCM artist Francesca Battistelli-te chu an inlan ang.

God's Not Dead film hmasa ber kha kum 2014-a tlangzarh niin $maktduai 2 vel senga an siam kha a hlawhtling hle a, $mtd 64.7 lai an hmu chhuak a ni.

Kum 2016-ah khan a chhunzawmna 'God's Not Dead 2' an tichhuak leh a, 2018-ah khan 'God's Not Dead: A Light in Darkness' an tichhuak leh tawh bawk a ni.