Johnny Depp, Hollywood-ah a hnawng em ni?

Pirates of the Caribbean star chuan tunhnai khan an interview-naah Hollywood lamin an boycott nia a hriat thu a sawi chhuak mauh mai.

The Sunday Times-in an kawmnaah Hollywood-in an boycott tih ṭawngkam hi a hmang a, chu chuan sawi zui a hlawh hle.

British tabloid The Sun laka libel case-a hnehna a chan zawh loh hnua a interview lehnaah hemi chungchang hi a sawi chhuak a ni.

Tunah hian a film channa 'Minamata' chu US-a tlangzarh mai turin an ruahman mek a, nikum kumtirah khan Berlin International Film Festival-ah he film hi premier tawh niin Zirtawpni khan UK lamah chuan an tlangzarh tawh a ni.