Arctic Monkeys-in album thar an buaipui mek, an ti

English rock band Arctic Monkeys chuan album thar an buaipui mek niin media ṭhenkhat chuan an tarlang a, June leh July thlaah khan Suffolk-ah an studio album pasarihna tur an record niin an tarlang.

Arctic Monkeys hi kum 2002-a indin kha niin studio album paruk an tichhuak tawh a, kum 2018 khan an album hnuhnung ber 'Tranquility Base Hotel & Casino' an tlangzarh a, hemi hnu hian album thar chungchang an sawi ri ta meuh lo.

Tunah erawh thawm an nei leh ta a, an zai ngainatute tan chuan thu lawmawm tak a ni ngei ang.