Samsung Galaxy S9 chhuak hnai
Samsung chuan May thla hian Galaxy S9 tlangzarh an tum a, tun hnai khan a teaser an tichhuak leh tawh. S9 rual hian Galaxy S9+ pawh tlangzarh an tum a ni.
South Korea company Samsung chuan Galaxy S9 tlangzarh tur hi an vaw hot ṭan viau a, a man pawh a tlawm vak dawn lo. S9 hi Galaxy S8 upgrade niin, S9+ a chhuak tel dawn bawk. India-ah bik chuan May 24 khian tlangzarh beisei a ni a, aman tur pawh Rs. 62,990 vel a ni ang. Khawvel ram hrang hrangah tlangzarh a ni dawn bawk a, US leh China-ahte an tlangzarh hma hret dawn nia tarlan a ni.
Galaxy S9 hi dual camera a ni dawn a, a software hman pawh a ṭha hlawm dawn viau. RAM hi 4GB leh 6GB a awm dawn a, wireless charger support a ni dawn bawk. Hei tak hi miten an ngaihvenna chhan pakhat a ni a, wireless charger a nih ngat chuan hralh pawh a kal phah viauin a rinawm. Indicator light a awm ang a, Red, Green leh Orange a pechhuak thei dawn a ni. Wireless charger hmanga chhar lai hian a incharge ṭhat chuan a sen ang a, a full hunah a hring dawn a ni. Flashing Red a en chuan a inchage ṭha lo tihna a ni thung ang. Wireless charger hi a man pawh a u ṭalh dawn a, India pawisa chuan Rs. 5,900 vel a ni ang.