Zaninah Mami music video tlangzarh dawn

Youth Icon 2016, K. Lal­thlamuankimi (Mami) music video thar, 'Ih Maw Duhlai' tih hla chu zanin dar 8:00 hian LPS studio-ah tlangzarh a ni dawn.

He hla hi Lalhma­chhuana Zofa phuah niin, All India Radio (AIR) Director DR Lal­ropuia chuan a tlang­zarh dawn a ni. A hla hi Mizo thawnthu lar tak tak - Chawngmawii leh Hrang­chhuana te, Zawlpala leh Tualvungi bakah, Thangsira leh Thang­zaia te thawnthu behchhan a, nula leh tlangval inngaihzawnna lam hla a ni. Music leh recording hi Thangbawiha, EME Records kutchhuak niin, video hi A & Z Enter­tainment siam a ni thung.