Spice Girls-in tour contract ziak

Spice Girls-te'n intuaithar leh an tum thu te, tour neih leh an tum thute chu khawthlang media-te chawtui ber pakhat a ni mek. Hetiang boruak a awm mek lai hian US lek UK lama concert nei turin contract an ziak fel tawh tih tarlan a ni.

English pop girl group Spice Girls hian US leh UK lamah tour an nei dawn tih a chiang ta a, contract pawh an ziak fel tawh. Tour nei tur hian Mel B, Geri Halliwell, Emma Bunton leh Melanie C te chuan contract an ziak tawh a, Victoria Beckham pawhin tun hnai khan a ziak ve leh tawh bawk. Victoria hian New York Fashion Show-a a inlan ṭumin reunion tour hi an neih a rin loh thu a lo sawi tawh a, mahse tunah chuan amah pawhin contract hi a ziak ve ta a ni.

Kum 1994-a din Spice Girls hian an kehdarh hnuah 2007-08 khan reunion tour hi an lo nei tawh a, tunah pawh concert nei leh tur hian an inbuatsaih chho leh mek a ni.