Avengers footage thar chhuak

Disney Channel chuan Avengers chhuak thar tur 'Infinity War' footage ṭhenkhat chu tunhnai khan an tlangzarh. He film trailer hi Super Bowl neih zawh takah khan halftime show-ah tlangzarh a lo ni tawh bawk.

Avengers: Infinity War-ah hian Hollywood actor lar - Robert Downey Jr., Chris Pratt, Chris Evans leh Chris Hemsworth te an chang a ni. He film-ah hian Robert Downey hi Tony Stark lemah a chang a, American actor Mark Ruffalo pawh Bruce Banner lemah a chang. Video clip tihchhuahah hian Robert Downey che vel hmuh tur a tam a, Avengers film chhuak hmasa te ang bawkin a hmuhnawm leh pek viau dawn niin a lang. Thor star Chris Hemsworth pawh mit la ber pawl a ni leh dawn a, Hollywood-a hriat hlawh tak takte channa hian ngaihven a hlawh hle a ni.

Avengers: Infinity War hi April 25 khian Netherlands-ah tlangzarh a ni dawn a, US-ah chuan May 4-ah tihchhuah chauh a ni ang.