MIELS-in zirlaite pualin LITFEST 2018 buatsaih
Mizoram English Literary Society (MIELS) chuan Mizoram-a a ṭum khatna atan February 16 khan college zirlaite pualin 'LITFEST 2018' an buatsaih. LITFEST hi Pachhunga University College Seminar Hall-ah neih a ni.
Pawl hruaitute chuan kum dangah pawh Inter College Poetry Writing Competition an lo buatsaih tawh thin ṭhin tih sawiin, LITFEST erawh a ṭum khatna a ni, an ti. Tun
ṭumah hi chuan Poetry writing competition bakah, Beat Contest a buatsaih. Beat Contest -ah hian college syllabus a ‘Pop Culture’ lam hlate thlan chhuah niin, Poetry Writing bikah chuan a hmunah intihsiakna thupui (theme) hrilh chawp an ni thung.
Poetry Writing-ah hian Hrangbana College zirlai Lalmuanpuii Khiangte chu pakhatna a ni a, ‘Goodbye Lucy’ tih a ziak. Pahnihna chu ‘The Unlikely Instruments’ ziaktu David Lalnunzira, Government T Romana College niin, lawmman pathumna dawngtu chu ‘Evergreen’ tih ziaktu Candle Vanrempuii, Pachhunga University College a ni. Beat Contest-a pakhatna chu Government T.Romana College an ni a, Pachhunga University College chuan pahnihna leh pathumna an hauh. PUC hian band an thawh chhuak ṭha hle. Intihsiakna hi JSJ Gym in an sponsor a ni.
Mizoram English Literary Society (MIELS) hi kum 2012 khan din a ni a, Mizo hnam zia, ngaihtuahna leh suangtuahna te sapṭawnga ziaka dah leh tihhmasawn chu an tum ber a ni.