Cruella chhunzawmnaah Emma Stone bawk

Emma Stone leh Disney chuan 'Cruella' chhunzawmna siam leh turin inremna an ziak.

Kum 32 mi lemchan thiam Stone hi Disney chuan Cruella 2-a chang leh turin inremna an ziahpui leh der tawh a, '101 Dalmatians' villain Cruella de Vil lemah hian a chang chhunzawm leh dawn tih a chiang ta.

'Cruella' hi May 28-ah khan theatre leh Disney+ streaming service a en theih turin tlangzarh a ni a, tunah hian ram hrang hrang Box Office kaltlangin $maktaduai 226.1 a lalut der tawh.

Kumin chhunga film sum lalut tam pasarihna a ni mek a, tlangzarh a nih hnu lawk karah khan a chhunzawmna chungchang hi sawi rik a ni nghal a, tunah phei chuan achangtunu tur 'Emma Stone' pawh film neitu Disney lam chuan inremna an ziahpui leh der tawh a ni.