Ed Sheeran leh Dani Filth-te'n thawhdun chungchang an sawi
Cradle of Filth frontman Dani Filth leh Ed Sheeran-te chuan email kaltlangin thawhdun chungchang an sawi.
Kum 48 mi Dani Filth chuan hemi chungchang hi Kerrang! Radio-in Bloodstock festival-a an lawmnaah sawiin, "Email kaltlangin kan inbia a lawm."
"A ina leng turin min sawm a. Amah tak phei chuan kan inah pawh a rawn kal theih thu a sawi tho a, mahse tlawh zawk ka tum thu ka hrilh a... Kan fan a nih thute a sawi a, mi ṭha tak a niin a lang. Ed Sheeran thawhpui chu a nawm ka ring," a ti.
Kum 30 mi Ed Sheeran pawh hian a hmain Death Metal fan a nih thu a lo sawi tawh a, a naupan lai aṭang tawhin Cradle of Filth leh Slipknot-te chu a ngaihthlak ṭhin thu a lo sawi tawh nghe nghe a, an guitar riff-te
pawh a naupan laia a zir thiam tawh thu thlengin a lo sawi tawh bawk.
Sheeran hian genre hrang hrang- rock, rap leh reggae thlengin a khawih tawh a, tunah hian music rit zawk leh bengchheng zawk lam hi a hawi leh thut maithei a ni. Hunin a la hril ang chu!