BAFTA-ah milarten thuam dum inbel

Kum tina sem ṭhin British Academy Film Award (BAFTA) chu Pathianni khan a ṭum 71 nan sem a ni a, he hunah hian Milarten thawmhnaw dum lam an inbel nasa hle. Hei hi Hollywood in­dustry-a hmeichhiaten mipat hmeichhiatna lama hawia beih an tawh ṭhin duh lohna lantirnaah ngaih a ni.

British Academy Film Award hi Pathianni khan Royal Albert Hall, London-ah sem a ni a, milar inlan an ṭhahnem hle. Chung zingah chuan British laltupa Prince William leh Kate Middleton pawh an tel. Anni bakah hian Jennifer Lawrence, Angelina Jolie leh mi lar dang eng emaw zat an inlan.

Nikuma tlangzarh 'Bill­boards Outside Eb­bing, Missouri' chu a lang­sar a, award panga lai a dawng. Chung zingah chuan Best Film leh Best British Film pawh a tel. A changtute zingah Frances McDormand chuan Best Actress trophy a dawng a, Martin McDonagh kutah Best Director prize hlan a niin, Sam Rockwell chu Best Supporting Ac­tor a ni. Film lar - Dar­kest Hour, Get Out, The Shape of Water, Call Me by Your Name, Blade Runner 2049 leh Coco-te an langsar viau bawk.