Hmangaih pakhat chauh nei Celine Dion

Nula tlangval inngaizawngte in­hauhna tam ber chu kawppuite laka rinawm loh vangte, hmangaih dang neih vangte a ni fo. Hetih lai hian Celine Dion chuan hmangaih pakhat chauh a neih thu a sawi a, chu chu a pasal thi ta Rene Angelil a ni.

Music legend Celine Dion chuan, "Rene Angelil khan min hmangaih a, keipawhin ka ngaina a ni. Ani chauh kha hmagaih ka nei a, a tan ka inpumpek a ni" tiin a pasal chungchang a sawi. Celine Dion leh Canadian music producer Rene Angelil-te hi kum 1994 khan an innei a, kum 2016 khan hrawk cancer avangin a pasal hian a thih san. Rene nen hian fa pathum an nei hman a, an inngaina dun viau a ni. A thih pawh hian a tuarna hle a, kum 49 lai a nih ve tawh bawk avangin a hmel pawh a lang naupang tawh lo hle.