Fergie thlavang hauhtu Carey

American singer Fergie chuan Pathianni khan NBA All-Star game-ah an hnam hla a sa a, a che fuh tawk lo. A chet

ṭhat loh avang hian dem a hlawh hle a, hetih lai hian Mariah Carey chuan Fergie thlavang ahauh ve tlat thung.

Carey chuan a hnam­pui nu hi chhanin, an beih­na hrang hrangte chu hnual nana hmang lo turin a fuih. Amah ngei pawhin stage-a a perform fuh tawk loh vangin beih a lo tawk fo tawh tih sawiin, "Beidawng mai tur kan ni lo. Fergie hi a che fuh tawk lo a ni mai thei, mah­se mihring ve bawk a nih vangin tisual ve thei a ni a, kan hrethiam zawk tur a ni" tiin, a thlavang a hauhsak. NBA All-Star game khelna hmun Los Angeles-a Staples Center-ah hian Fergie hi a che ṭha lo hle a, fiamthu thawh nan hmang zui tawk an awm nawk.

Black Eyed Peas singer hian hnam hla a sak laiia a perform ṭhat tawk lo avang hian ngaihdam a dil tawh a, a ziathiampui ten a thlavang an lo hauhsak ve tliar tliar bawk.