Jamaica lamah JB leh Selena

Justin Bieber-a pa Jeremy Bieber leh Chelsea Rebelo-te chu tun hnai khan Jamaica-ah an innei a, he hun hmang hian JB-a leh Selena Gomez-te pawh an kal.

JB-a'n kum naupangte ni chungin khawvel a den chhuah a, a lar hma em avang hian a nu leh pate pawh upa tawh viau turah mi tam tak chuan an ngai. JB-a hi Jeremy leh Pattie Mallette inkara piang a ni a, mahse a nu leh pate hi kum 2014 khan an inṭhen. An inṭhen hnu hian Jeremy hian Jamaican Chelsea Rebelo chu a rimthlu zui a, kum eng emaw zat chu an inzui hman. Tichuan Feruary 19 khan an innei ta a, Chelsea Rebelo pawh JB-a nu a ni ve leh ta a ni.

Inneihna hi Montego Bay-ah buatsaih a ni a, sawm bikte an tel. Kal khawm zinga mi mit fukna ber erawh nikum tawp lam aṭanga inzui ṭha leh Justin Bieber leh Selena Gomez-te an ni. Anni pahnih hi chu an lar bawk a, an kalna lam apiangah mite ngaihven bik an ni deuh zel. Inkutsuihnaa an kal pawh hian chanchin an ngah leh viau a, hmun hrang hranga an hawi khaw thawng pawh paparazzi-te'n an zui nasa hle. JB-a leh Salena-te hian chawlh an hmang pah a, an hlim dun viau ni tur a ni. Valentine's Day pawh khan Montage Hotel-ah zanriah an kil dun a, an inzui ngawrh leh tawh hle.