Assam tourism calendar-ah Priyanka

Assam sorkar chuan tourism tih hma­sawna turin nasa takin hma a la a, khual­zin­te hip nan tourism calendar hial a siam. Calendar-ah hian Bollywood actress Priyanka Chopra thlalak pawh a chuang vang a ni.

Priyanka hi kum 2016 aṭang khan Assam tourism brand ambassador atan ruat a ni a, Assam hi vawi eng emaw zat a lo tlawh tawh. Tourism calendar-ah pawh hian Assamese traditional dress a inbel a, mit a la viau. Hetih lai hian tun hnai khan beih a tawk a, brand ambassador aṭanga ban hial rawtna a awm. Mahse hei hi ama fel loh leh tihsual lam a ni lo a, politics thil vang a ni. Hemi chungchang pawh hi Assam legislative assembly session-ah pawh sawi chhuah hial a ni. Sawiseltute chuan brand ambassador avang hian khualzin an tam phah lo niin an sawi a, sum sen thlawnna a ni, an ti. Thlavang hausaktu eng emaw zat an awm ve bawk a, amah avang hian khualzin pawh an pun phah niin an sawi ve thung.

Assam hi hmarchhak state-ah chuan khaulzin ngah ber pawl a ni a, sorkar kum 2016-2017 chhung khan foreign tourist 28,419 in an tlawh a, kumitin an pung chho ve hret hret a ni.