Eminem leh Ed Sheeran hla 'River' a hit

American rapper Eminem chuan nikum khan album a tichhuak a, heta a hla pakhat 'River' chu Ed Sheeran nen an sa dun. River hi February 14 khan tlangzarh a ni a, YouTube lamah pawh entu mi maktaduai 23 an tling der tawh.

Tun ṭuma a hlaah pawh hian Rihanna nena an hla hit, Love the way you lie ang bawka relationship chungchang tarlan a ni a, Rihanna aiah English singer Sheeran azaipui thung. A hmaa hla lo tihchhuah tawh te ang bawkin a hit nghal hle a, entu pawh an pung chak hle. A album pakuana 'Revival' hi nikum December 15 khan tlangzarh a ni a, a hla ṭhenkhatah hian zaithiam lar dangte pawh a zaipui leh a ni. Eminem hian thawhpui a nei fuh thei riau a, Skylar Grey nena an sak I need a doctor pawh a hit hle a nih kha.

Rivival album-ah pawh hian American singer Skylar Grey a zaipui leh a, a ni bakah hian Beyonce, Alicia Keys leh Pink-te pawh a thawhpui bawk.