Kesha khup hliam zai a ngai

American singer Kesha chu stage-a a perform laiin a che sual palh a, a hliam hi zai a ngai dawn. A khup hliam zai a nih dawn avang hian show a neih tur ṭhenkhat pawh tihkhawtlai a ngaih phah a ni.

Kesha hian tour a nei mek a, February 9 khan Dubai-ah a concert a ni. Hemi ṭum hian stage-ah a tlu sual palh a, a khupah hliam a tuar. A hliam hi endik anih hnuah tun hnai khan zai a ngai tih puan a ni. Hemi avang hian Australia, New Zealand, Taiwan leh Japan lama tour a neih leh tur pawh a hun sawt hlat a ni. Byron Bay Bluesfest Music Festival-ah pawh inlan tura tih ni mahse a cancel leh a ni.

A hliam hian eng chen nge a awh dawn hriat a nih loh vangin March thla tawp lamah tour hi a chunzawm leh chauh dawn a ni. A dam hman chuan Australia-ah bul a ṭan leh ang a, April 20 khian Osaka, Japan-ah tour kharna concert nei tura ruahman a ni bawk. Kesha chuan tour programme tihdanglam a ngai chu pawi a tih thu sawiin, a dam leh thuai erawh a beisei tih a sawi.