Fast & Furious 10 tlangzarh hun tur a hriat tawh

Fast & Furious 10 tlangzarh hun tur chu puanzar a ni ta a, April 7, 2023-ah tlangzarh a ni dawn.

Universal Pictures chuan Ningani khan Fast 10 tlangzarh hun tur hi an puangzar a, F9 tlangzarh aṭanga kum hnih pawh a ral hmain tlangzarh lehnghal an tum a ni.

Fast & Furious film franchise hian sum a la lut hnem tawh hle a, khawvela film franchise sum la lut tam pasarihna niin $tluklehdingdawn 6 chuang a la lut tawh. An film tlangzarh thar ber, June thla tawpa an tlangzarh F9: The Fast Saga pawh khan hrileng kara an tlangzarh chungin $mtd 681.5 lai a la lut leh der tawh a, kumin chhunga film sum la lut tam pathumna a ni phak.