Onward bawkin hma a la hruai

Box Office-ah Onward bawkin hma a hruai a, Bloodshot chu pahnihna niin I Still Believe chuan top 3 a khar a ni.

Kar liam ta chhung khan Box Office-ah Animated movie Onward tluk thei an la awm lo a, a sum lakluh erawh a chuti lua lem lo.

Theatre 4,310-ah lai chhuah mah se $10,601,952 chiah a lalut thei a, Box Office-a roreltu sum lakluh atan chuan a bei tham deuh a, mahse a kar hnihna a ni tawh a, a awm viau tho mai.

Chris Pratt leh Tom Holland-te aw thawhna Disney Pixar film hi tluk thei an la awm chuang lo a ni.

Vin Diesel leh Eiza González channa Bloodshot chuan Onward a khum zo lo a, theatre 2,861 aṭangin $9,176,695 a hmuchhuak a ni. Onward pha lo mah se an inthlauhna a tam lo hle. Bloodshot hi  superhero film a ni a,  Valiant Comics Bloodshot behchhana siam niin khawvel pumah $mtd 23.7 an hmu chhuak tawh bawk.

Christian romantic drama film chu sum lalut tam pathumna niin, he film hi Mizo-te hmuhnawm tih tur chi tak a ni.

Christian music singer-song­writer lar Jeremy Camp-te nupa chanchin behchhana siam a ni a, milar tak tak chang an awm nual. Jeremy Camp lemah hian KJ Apa a chang a, Britt Robertson leh Shania Twain-te pawh an chang.

Jeremy Camp hian I Still Believe tih hla pawh a tichhuak tawh nghe nghe. Kar tawpah khan $9,103,614 lai a hmuchhuak a, Bloodshot nen pawh an sum hmuh chhuah hi a inthlau lo hle. Chart hmasaa pahnihna The Invisible Man chu palina a ni a, film thar The Hunt chuan top 5 a khar a ni.

Kar tawp liam taa Box Office sum hmuhchhuah kha kum 20 liam ta chhunga Box office sales chhiat ber ṭum a ni. Coronavirus vangin khawvel a chiai a, khawvel hmun hrang hrangah theatre tam tak khar niin, film ṭha tak tak chhuah hun tur pawh tihkhawtlai a ni nasa hle. US leh Canada-ah chuan kar tawpah khan  $mtd 55.3 vel chiah sum a lut a, September, 2000 hnua Box Office-a sum luh tlem ber ṭum a ni hial.

Box Office Top 10

1    Onward     - $mtd 10

2    I Still Believe     - $mtd $9.17 

3    Bloodshot     - $mtd 9.1

4    The Invisible Man     - $mtd 5.8

5    The Hunt     - $mtd 5.3

6    Sonic the Hedgehog     - $mtd 2.5

7    The Way Back     - $mtd 2.3

8    The Call of the Wild     - $mtd 2.2 

9    Emma     - $mtd 1.2 

10    Bad Boys for Life     - $mtd 1.1