BRIT Award 2018 : Stormzy leh Dua Lipa te an langsar

Kum tina sem ṭhin Brit Award chu a vawi 38 nan February 21, Nilaini khan O2 Arena, London-ah sem a ni leh ta. Music award semna hi Jack Whitehall chuan host a, Stormzy leh Dua Lipa te chu mimala langsar an ni.

Stormzy leh Dua Lipa te hian award ngaihhlut pahnih ve ve an hum haw. Hip-hop artist Stormzy hian British Male Solo Artist leh Album of the Year te dawngin, Dua Lipa chuan British Female Solo Artist leh Breakthrough Artist award te a dawng bawk. Stormy hian nikum February thla khan a debut album 'Gang Signs & Prayer' hi a tlangzarh a, a hlawhtlinpui viau. Dua hi category panga zetah award dawng thei tura chhawpchhuah a ni a, pahnih chu a hawn ta tho a ni.

One Direction star Harry Styles chuan a vawi khat nan BRIT Award a dawng a, 'Sign of the Times' chu British Video of the Year atan thlan a ni. Tun laia boruak nei lian tak Ed Sheeran pawh a hawi hil bik lo a, Global Success award hlan a ni. New Zealand singer Lorde hnenah International Female Solo Artist award hlan a ni a, American rock band Foo Fighters chuan award ngaihlut hlawh International Group award an dawng. American rapper Kendrick Lamar chu International Male Solo Artist atan thlan niin, Critic's Choice Award chu English singer Jorja Smith kutah hlan a ni bawk.

Brit Award-ah hian zaithiam lar tel an ṭhahnem hle a, award ceremony pawh a hmuhnawm hle. Zaithiam eng emaw zat an perform a, chung zingah chuan Rita Ora, Kendrick Lamar, award winner Stormzy te pawh an tel. Rita Ora che vel a hmuhnawm a, Kendrick Lamar a che pui viau bawk.