Jennifer leh Justin inṭhen chhan Brad Pitt!

Jennifer Aniston leh Justin Theroux te in­ṭhen chanchin chu a ngaihnawm chho zel a, Brad Pitt hming pawh lam rik a ni zing ta malh malh hle. Report ṭhenkhatah chuan Jennifer leh Justin inṭhen chhan hi Brad Pitt a nih thu tarlan a ni mauh mai.

American actor Justin Theroux chuan an inṭhenchhanah hian Brad Pitt hi a mawhpuh a, a nupui hlui hi message a thawn ṭhin niin a sawi. Justin chuan, "Pitt hian Jennifer hi message thlum tak tak a thawn ṭhin a, kan inṭhen hma deuh phei kha chuan zan tin deuh thaw a messege chhiar tur a awm a ni" tiin, an inkara tlakzeh tumah a puh. Justin chuan a nupui hlui hi Brad Pitt hian 'You looked nice tonight' tih te, 'Miss you already' tih te a thawn nasa hle niin a sawi. Chu chuan an nupa karah pawh buaina a thlen a, inṭhen phah nan hial an hmang ta tih a sawi bawk. Mahse hei hi an inṭhen chhan dik tak a ni em tih erawh hriat a ni lo thung.

Khawthlang media te chuan Jennifer hian a pasal hmasa thu thawn hi a ngai thutak lo hle nia sawi a awm bawk. Heti chung hian Justin nen an inṭhen hma hian Brad Pitt nen an inbe fo tih erawh a thup bik lo a, ṭhian ṭha tak an la ni reng tih pawh a pha lo niin an sawi cheu bawk. Pitt leh Jen te hi thla 15 kalta vel aṭang khan an inbe fo nia sawi a awm avangin Justin thu sawi hi awih loh ngawt theih a ni lo tih an sawi.