Gaming news Lockdown hlawkpuitu Playrix
Russian Mobile Game Developer Playrix chuan lockdown an hlawkpui hle a, March thla laihawl aṭanga May thla laihawl thleng khan an game hrang hrang chuan download vaibelchhe 16.5 a nei tling a, hei hi an record a tling hial.
Dublin-a hmunpui nei Playrix co-founder Igor Bukhman chuan hemi chungchang hi sawiin hripui len vanga lockdown hma thla hnih ai khan an game download hi a let dawnin a pung a ni, a ti.
An company revenue pawh 40% laiin a pung a, thla hnih liam ta chhung khan $vbc 46 a tling a, thla nga liam ta chhung khan $vbc 100 a tling niin Igor Bukhman chuan a sawi a ni.
Lockdown hi game siamtu hrang hrangin an hlawkpui hle a, entertainment industry hrang hrangin an tlakchhiatpui laiin gaming industry, a bikin online gaming lamin an hlawkpui hle.
Playrix hi khawvela mobile game developer zinga langsar ber pawl an ni a, mobile game lar Township, Gardenscapes leh Wildscapes-te pawh siam chhuaktu kha an ni.