Indian Army Officer-ah Mizo tlangval inziak tling

Indian Army chuan nikum November thla khan Short Service Commission (SSC) exam a buatsaih a, hetah hian Venghlui tlangval Vanrammawia s/o Vanlalchhuanga chu engineering-ah pakhatna a ni.

Indian Army-in a buat­saih 50th Short Ser­vice Commission (Techni­cal) exam-ah hian Van­rammawia hi Electronic & Tele­com­munication Enginee­ring bikah topper a ni. Tun hnai khan merit list hi tihchhuah a ni a, Mizo hming a mawi leh ta a ni. An batch-ah hian mi 150 chuang an exam a, Mizo hi amah chauh awmin, Manipur mi pakhat a exam ve bawk. Vanrammawia hian exam a hmachhawn hma hian Bangalore-ah coaching a kal a, in lamah a a theih angin a inbuatsaih bawk.

Army Officer tling tharte hi Chennai-a Officer Training Aca­demy-ah kum khat chhung an training dawn a, ani pawh hian March-ah a zawm dawn a ni. Training an zawh hian Lieutenant an ni ang a, kum khat hnuah Captain-ah kaisangin, an kaisang chho zel thei a ni.

OTA Chennai-ah hian Mizo pahnih Clement L. Ralte, Dawrpui Vengthar leh Laldingngheta, Bung­kawn Vengthar te pawhin training an nei mek bawk.