Jurassic World chhuak zel dawn

Universal Studio chuan Jurassic World chu siam chhun­zawm zel a nih tur thu an sawi a, a pathumna tur pawh kum 2021-ah tihchhuah leh tum a nih thu an tarlang. Hetih lai hian Jurassic World: Fallen Kingdom chu June thla khian tlangzarh a ni tawh dawn a, dinosaur film ngainatute tan thu lawmawm a ni ngei ang.

American actor Chris Pratt channa Jurassic World hi a hit fu zel a, sum pawh a lalut hnem ṭhin hle. Hei hi hriain Universal Studio chuan a thar siam belh zel an rilruk a, Jurassic World pathumna tur an siam leh dawn. Jurassic World movie hi 2015 khan tlangzarh a lo ni tawh a, Box office-a a sum lakluh zat pawh $tld 1.7 zet a ni. Fallen Kingdom pawh hi June 22 khian US-ah tlangzarh a ni leh dawn a, tun aṭangin boruak a nei lian nghal der tawh.