Valentino inpho chhuak

Zanin dar 8:30-ah Liverpool-in Premier League match khel turin West Ham an mikhual dawn a, Anfield-ah goal khat lek an khung a nih pawhin Reds tan tun season-a an goal 100 khung tlinna tur chiah a ni ang.

David Moyes-a naute nena Reds inkhel tur hi tun season-a inelna hrang hranga match 40 an khelhna tur chiah a ni a, Liverpool chanchinah match 40 aia tlem khel chunga goal 100 an khung tlin theih chu vawi hnih chiah a la awm.

Liverpool hian John McKenna enkawlna hnuaia 1895-96 season-a second division title an chawi khan goal 100 khung tling turin match 30 bak an mamawh lo a, 2013-14 season khan Brendan Rodgers enkawlna hnuaiah match 39 chiah goal 100 khung turin an mamawh bawk.

Premier League bik ringawta Reds-in goal 101 khunga inelna hrang hranga goal 110 an khung ṭum hian Premier League bika goal 52 chu Luis Suarez leh Daniel Sturridge ten an khung a ni.

Liverpool-in January transfer-ah Philippe Coutinho chân mah se Brazilian forward chhuah hnua match sarih an khelhah goal 18 an khung leh der tawh a, Mohamed Salah, Roberto Firmino leh Sadio Mane ten goal 63 khung tawhin Rodgers hunlaia goal 110 hi Reds-in an phak theih ngei a rinawm.

Kenny Dalglish hunlai 1985-86 season-a match 63 an khelha goal 138 erawh match khelh tur an la neih dan hisapin a harsat a rinawm.

Zanin dar 8:30-ah Liverpool-in Premier League match khel turin West Ham an mikhual dawn a, Anfield-ah goal khat lek an khung a nih pawhin Reds tan tun season-a an goal 100 khung tlinna tur chiah a ni ang. David Moyes-a naute nena Reds inkhel tur hi a ni.