Reese Witherspoon-i'n Hmeichhe politician duhbelh

American actress Reese Wither­s­poon chuan khaw­velah hmeichhe politician langsar tak tak awm tawh mah se, a la duh khawp lo tih a sawi. Office leh hna­thawnna hmuna hmei­chhe awm nem zawkten beih an tawk ṭhin chu pawi a tih thu a sawi bawk.

Witherspoon chuan, "Khaw­vel ram hruaitu zingah hmeichhia eng emaw zat an awm a, an awm belh zel pawh ka beisei. Office leh hnathawna hmun dangahte hmeichhiaten endawng leh beih an tawk fo a, hemi tireh tur hian hmeichhe politician tam zawk kan mamawh a ni" a ti. 'Wild' star chuan hmeichhiate chu an anpuite politics-a zuanglut tura fuih tur leh, thuneihna chang tura thlang tling turin a fuih. Chu chu kawngdik an zawhna tur leh, leirem an rah zelna tur kawng a nih thu, Watermark Conference for Women, California-a neih ṭumin a sawi chhuak.

Kum 41 mi Witherspoon hian Hollywood-a hmeichhiaten beih an tawk ṭhin nia thuthang leh, tun hnai inhnialna tam tak chhuak chu pawi a tih thu a sawi bawk.