The Showcase : Photographer Jeremy hauhnar top 10-ah a tling

India ram pum inelna ' The Showcase' Blenders Pride Fashion Tour powered by FDCI-ah Mizo tlangval, Mizote'n photographer kan neih ṭhat ber zinga mi Jeremy Hauhnar chu Shutter Bug (Photographer) category-ah top 10 a tling.

He intihsiakna hi Blenders Pride leh Fashion Design Council of India te buatsaih niin, category hrang hrang pali- Designer, Model, Content Creator leh Shutter Bug-ahte ṭhen hrangin catregory tinah hian top 10 thlan chhuah an ni a, Shutter Bug category-ah hian Jeremy Hauhnar hi top 10-a tling zingah a tel a ni.

Jeremy chuan top 10-a tlingte chu team-ah ṭhen hran leh an nih thu Vanglaini a hrilh a, inelna lian zawk an hmachhawn leh dawn a ni. Inelna an neih leh hun tur tak erawh a la hriat bik loh thu a sawi bawk.

He inelnaah hian category tina pakhatnate chuan pawisa fai Rs nuai 3 leh India rama fashion industry-a hamṭhatna lian tham tak tak an dawng dawn bawk a ni.