MTV VMA-ah Olivia Rodrigo leh MGK inlan dawn

2021 MTV Video Music Awards-ah chuan kumdanga la inlan ngai lo Olivia Rodrigo leh Machine Gun Kelly-te chu a vawi khatna atan an inlan dawn.

Anni bakah hian Lil Nas X, Camila Cabello leh Lorde-te pawh an inlan bawk ang.

MTV VMA hi Barclays Center, Brooklyn-ah September 12 hian sem a ni dawn a, Olivia Rodrigo leh Machine Gun Kelly-te hi he ceremony-ah hian an la zai ngai miah loa, kuminah erawh stage lamah an duhtawkin an che vel thei dawn a ni.

An hla sak tur pawh a chiang tawh hlawm. Olivia hian a hla hit tak mai 'Good 4 U' chu a sa dawn a, MGK chuan 'Papercuts' a sa ang. Lorde chuan a album thar tur Solar Power-a mi hla a sa dawn thung.

Lil Nas X leh Rodrigo-te hian kumin MTV VMA-ah hian nomination panga ve ve an hmu a, Justin Bieber chu nomination hmu tam berin pasarih lai a hmu a ni.