Kristin Scott-i'n film chan nuam la ti

British actress Kristin Scott Thomas chuan film chan zel a duh thu sawiin, a kum tam deuh tawm mah se chawlh a la tum lo tih a sawi.

Kristin Scott hi khawvelah hun eng emaw chen film a hmel hmuh tur a awm loh hnuin tun hnaiah a inlar leh a, chawlhsan hlen a tum loh thu a sawi. Kum 57 mi chuan, "Film chan hi nuam ka ti a, chawlhsan hlen tumna ka la nei ngai lo" a ti. 'Darkest Hour' actress hi kum 2014 khan eng emaw vangin a chawl lai lawk a, mahse a chawl rei lo. Nikuma tlangzarh film lar tak 'Darkest Hour'-ah khan a inlan leh tawh a, tunah pawh hmachhawp eng eng emaw a neih thu a sawi leh tawh a ni.

Kristin Scott chuan, "Ka kum pawh a lo tam ve ta a, ka hma hunah pawh eng nge lo thleng dawn ka sawi lawk thei lo. Chutih rual chuan film chan hi nuam ka tih em avangin chawlhsan tumna ka la nei lo" tiin interview-ah a sawi chhuak.