Miss Mizoram Lawmi hnenah sub title 2

Miss Mizoram chu a vawrtawp a thleng hnai tawh a, nizan khan Chanmari YMA Hall-ah The Closet Show an nei a - sub title award pali an puan zinga pahnih chu C Lallawmzuali'n a dawng.

ITI Veng nula Lawmi hi Miss Talented-ah thlan a ni a, talent an lantir zanah thiam takin a chheih lam a - Mizo thuam mawi tak kawr chei leh puan chei inbela a lamna chuan he sub title hi a dawntir ta a ni. Miss Perfect 10-ah thlan a ni tel bawk.

Lalnunnemi chu Miss Active atan thlan a ni bawk a, Laldintluangi chu Miss Photogenic-ah thlan a ni thung.

Miss Mizoram hi March 7 zanah Grand Finale neih tur a ni a, he miz an hian sub title paruk dang dawngtu an puang dawn a ni.